暢銷於歐洲及北美洲市場，於德國及土耳其設廠製造嘅商用車後視鏡製造商 mekra lang，早於1932年於德國成立。為多間歐日商用車設計及提供側鏡，鏡臂及零件。
先前文章有提及過新加坡 SMRT採用嘅 Mekra lang螳螂臂側鏡，而呢篇文章側介紹新加坡另一巴士營運商新捷運使用嘅另一款 mekra lang嘅產品。
呢款產品設計比較為傳統手動鏡嘅設計，鏡臂及鏡殼係分開的。出現於後期新捷運嘅富豪B9TL雙層巴士（wright及順豐車身).
同款產品早已經於2000年於澳洲出現，於近20年來為雪梨多間巴士公司嘅標準配置，取代了多年來自巴西製造商 Metagal嘅手動產品。
早於2011年，筆者已經開始接觸 Mekra lang嘅電鏡產品。更於2014年開始因成為巴士公司管理層嘅一員，令筆者對 mekra lang電鏡有更深入嘅認識。
先介紹嘅係鏡臂，Mekra lang鏡臂係裝有彈簧嘅設計，當遇到碰撞時，鏡臂係會向車身橫向咁彈出。由於 mekra lang鏡臂裝有彈簧，所以需要使用六角匙去調較位於鏡臂外嘅 set screw去調較鏡臂角度或取消彈簧功能。
另外，鏡臂為可拆卸式設計，方便巴士運送及拆除鏡臂維修及更換連接車身及鏡身嘅可拆式電線或不同長度嘅臂。
廠方亦會應車身製造商要求設計及製造不同長度嘅臂，而且亦會提供彈簧裝置於垂直部份，當受到碰撞時鏡殼可連隨垂直部份向車頭屈曲，減少對鏡身及鏡臂連接車身嘅座嘅損傷。
鏡殼/身 主要有兩種設計，分別有電線及連接鏡臂組件外露式及內藏式。兩種設計分別在於電動摩打控制整隻鏡身，而內藏式則控制裝於身內安裝在膠盤上嘅鏡片。兩款鏡都係同樣使用同一款摩打。換句話講，連埋鏡臂，呢款鏡嘅組合係可以提供三個地方去調較角度，比傳統手動嘅多出一個調較嘅地方。
電鏡除咗提供鏡嘅角度之外，亦同時提供鏡片電熱功能，令視野保似清晰。
坊間經常話電鏡好貴，其實唔駛成組換。製造商甚至其他製造商會提供原廠零件如鏡片，甚至 aftermarket嘅鏡身以至使用其他牌子嘅防爆鏡，從而減低維修成本。
Be the first to comment