隨著新型冠狀病毒（武漢肺炎）喺全球不斷廣泛傳播，世界各地都互相發出「旅遊警示」，致使同旅遊相關嘅行業遭受重大打擊。
其中以「隨上隨落」作招徠嘅跨國城市觀光巴士公司「大巴士」（Big Bus），因應各地疫情以及當局措施而引致遊客銳減，佢哋喺多個營業城市都已經陸續暫時停業。
香港「大巴士」喺早前已經停止運作「九龍線」，但由於香港入境旅客數量進一步下挫，因應現時情況，管理層決定全部路線都暫停運作。
香港「大巴士」全面暫停運作前嘅最後一班巴士，已經喺2020年3月22號1330時由中環碼頭開出，行程完結後，巴士已經返回巴士廠停泊。
根據消息人士透露，香港「大巴士」今次暫時停業，初步會維持3個月，之後會因應市道決定正式復業時間。至於員工去留問題，資方未有定案，但傾向公司如果仍然有能力支撐落去，就唔想行到要放棄員工嘅一步。
希望各位同業能夠度過今次困境…（T_T）
Be the first to comment