【香港電車】回應眾車長訴求 提供口罩內部購

根據2020年2月4號由香港電車有限公司人力資源部向前線車長發出嘅員工通告，因應前線車長擔心家人唔夠口罩，喺唔影響公司日常畀口罩員工開工時候使用嘅原則下，公司撥出5000個口罩畀前線車長購買，以作家人傍身之用。

電車公司今次發售嘅口罩，售價為每個1.5港元，以先到先得方式，向每名員工配額賣10個，可以親身或者由配偶到公司寫字樓接待處購買，屆時會作登記，並以現金交易。