久留馬路巴士來 過街老鼠貼地亡

話說之前講過揸巴士有時都難免遇到流浪動物，一方面擔心佢哋喺巴士瞓，著車就令佢哋被引擎夾死，另一方面佢哋唔識睇車，真係隨時唔覺意碌死佢哋。

秋後天氣漸轉涼 勿讓浪浪輪下亡

咁啱卡佬正傳 / ray放咗一段影片上Facebook，食緊飯就唔好睇住…

rip😟😳（以下影片可能令人情緒不安，請自行決定睇唔睇。）#馬路不適宜停留#人更加係#為己為人過馬路要睇清楚兩邊影片來源: Whatsapp

Posted by 卡佬正傳 / ray on Thursday, 26 December 2019

原隻疑似「過街老鼠」喺馬路上面逗留，結果慘遭一架九巴雙層巴士碌扁，相信當場喪命兼碎屍――Rest In Pieces。

By the way，Rest In Peace…始終都係一條生命。

【文明指標】巴士座上孤身狗 幸得善長覓收留

常言道：「一個社會嘅文明進步程度同佢哋善待動物嘅態度成正比」。香港人對於自己社區嘅動物，唔少都各走極端，一係盲目放任，一係盲目恐懼…香港社會文明係咪真正好似香港人自己以為咁進步呢？

至於另一個問題係…香港人對於道路安全嘅意識實在…試諗吓如果亂衝過馬路，司機都要足夠嘅反應時間同距離先至可以煞停架車避免碰撞，你都唔想好似以上影片入面隻老鼠咁嘅下場啩？