當地時間11月2號下晝，印度嘅德里市北部布拉里有一名警員毆打巴士糾察，事件被擺上網之後已經立案調查。
事發喺大約下晝兩點，當時一架巴士駛經當地一條擠塞街道，期間巴士太貼近路邊一架房車，巴士司機停低巴士，巴士糾察落巴士將房車睹後鏡摺起以防被巴士撞爛。
房車上一名喺德里警隊保安部隊任職嘅警員隨即落車指罵巴士糾察。雖然巴士糾察解釋過只係想避免巴士撞爛隻鏡，但呢名警員反而開始郁手推巴士糾察，巴士糾察想上返巴士避開衝突，結果警員追上巴士仲開始打呢名巴士糾察。
巴士上嘅乘客同另一名女性巴士糾察介入試圖制止，但呢名警員停咗手都唔肯收聲，而巴士上衝突過程就被乘客影低擺咗上網。
結果呢？
根據布拉里警署一名高級警務人員所講：「我哋已經就一宗警員違反印度刑罰典323（故意傷害）及506（刑事恐嚇）條嘅事件立案。初步問話得知係兩條友都有郁手，我哋會詳細調查再決定點告。」
反觀香港？「我無嘢講！」
Be the first to comment