據《澳門日報》報道，2020年4月15號上晝11點幾，澳門新馬路近議事亭前地，發生一宗涉及一架巴士撞欄嘅車禍。
現場消息指涉事係澳門公共汽車有限公司旗下一架五洲龍FDG6751G型單層巴士（車隊編號：1101，車輛登記：MP-60-05），當時行緊21A號路線。車禍中無人被困，亦無傷者，澳門治安警察局現正處理中，警員在場了解。
車禍後巴士前門玻璃爆裂，澳巴回應指根據巴士車廂錄影片段連同現場調查，由於事發現場有工程棚架，加上掛喺棚架上面嘅警示燈向行車路面凸出，同時又因為巴士向呢個方向行嘅嗰個路段屬於單線行車，涉事巴士車長為避免越過「實線」逆線行車，途經時睹後鏡碰到棚架上嘅警示燈，其後引致碰到巴士前門，導致巴士前門玻璃破裂。
Be the first to comment