強求乘客戴口罩？ 公司話明唔畀呀！

早前本台接獲消息，指有巴士車長自發強制乘客要戴口罩先至可以上巴士，而有巴士乘客認為做得好啱。

武漢肺炎來勢凶 搭車戴罩唔放鬆

之後本台經whatsapp巴士車長群組得知，鑑於現時天氣同人潮流動情況，作為公共巴士業前線人員，為保障巴士上其他無辜乘客，有其他同工響應自發強制乘客要戴口罩先至可以上巴士…

只不過…巴士公司啲管理層唔係咁諗，本台接獲消息，有參與自發強制乘客要戴口罩先至可以上巴士嘅巴士車長已經被「召見」。

根據巴士公司管理層所講，公司會阻止實行無口罩唔准上車嘅行動，並且堅持車長自己有口罩就得。

有參與自發強制乘客要戴口罩先至可以上巴士嘅巴士車長亦已經放無薪假期，暫時未知巴士公司今次反應會有幾激烈。

作為一班負責任嘅服務業前線人員，為乘客嘅「最大利益」著想本身亦係履行職責――作為乘客，係咪應該向巴士公司反映返大家對防疫嘅立場呢？

• 2745 4466
• 2873 0818
• 2136 8888
• 2984 9848
• 2881 8888