2026年聖誕佳節將至，昂坪360聯乘經典嘜頭黑白®重磅呈獻「昂坪360 × 黑白®港味聖誕之旅」。活動由2026年11月3號到2027年1月10號舉行，昂坪市集全面呈現「港式味道，就喺呢度」嘅正宗港式味道體驗，誠邀公眾展開一段溫暖嘅冬日旅程。
適逢昂坪360開幕20周年加上同香港人共成長已經大半個世紀嘅黑白®，2大嘜頭呢次攜手整咗4個充滿聖誕氣氛同埋地道港式風味嘅「打卡」場景。由黑白®標誌嘅經典奶茶杯加上荷蘭風格風車起步，引領賓客穿梭到充滿懷舊溫情嘅經典「茶記」，再走到巨型港式美食裝置，畀大家感受濃郁港式滋味嘅集體回憶。
為咗畀賓客親身品嚐正宗港式滋味，昂坪360仲聯同黑白®特別邀請咗華星冰室嘅星級港式奶茶師傅，指定日子親臨昂坪市集即場示範「非遺」港式奶茶製作技藝，大方分享正宗港式奶茶嘅沖製秘訣，仲會每場免費派發100杯香滑濃厚嘅黑白®港式奶茶。活動期間，昂坪360亦特別推出黑白®主題纜車，車廂全面換上黑白®裝飾貼紙，畀賓客喺半空中「嘆住奶茶俯瞰大嶼山壯麗景致」。
為咗慶祝2大嘜頭嘅周年盛事，昂坪360特別推出超值纜車優惠，香港本地人可以用半價購買來回纜車車飛——包括1程水晶車廂 + 1程標準車廂）！有興趣嘅公眾可以即時上網買飛。
活動啟動禮已經舉行 港式風味聖誕之旅正式啟程
「昂坪360 × 黑白®港味聖誕之旅」2026年11月2號喺昂坪市集盛大舉行啟動禮，大會邀請到昂坪360服務營運總管鄒嘉輝先生、昂坪360零售及業務發展總管黃詠棠小姐、菲仕蘭（香港）有限公司董事總經理馮杰瑩女士及菲仕蘭食品飲料（香港）有限公司商務總監藍順福先生擔任主禮嘉賓，為一連串慶祝活動正式揭開序幕，攜手共賀呢個別具意義嘅佳節盛會。
超過6米高巨型紅白荷蘭風格風車 50蚊慈善聖誕老人合照助病童願望成真
昂坪市集圓形廣場中央，矗立起充滿歐陸色彩、高度超過6米嘅「巨型風車聖誕打卡裝置」。荷蘭風格嘅風車以經典紅白色做主調，成為「港味聖誕之旅」起點；風車旁邊仲豎立住4米高璀璨聖誕樹，巧妙配搭印有荷蘭菲仕蘭乳牛嘅經典黑白®奶茶杯、特別為呢次活動設計嘅「昂坪360 × 黑白®」奶茶杯、茶餐廳水吧標誌嘅黑白®淡奶罐裝置，成功交織出童話色彩配上地道香港風味融合嘅極佳打卡熱點。
此外，2026年12月19~20號、24~27號期間，聖誕老人仲會喺1200、1300、1400、1500現身昂坪市集圓形廣場「巨型風車聖誕打卡裝置」同公眾見面！賓客只需要捐出港幣50蚊就可以捕捉同聖誕老人一齊嘅珍貴節日笑容，兼獲贈1個精美磁貼相片套，3款限定相框隨機以「盲盒」方式登場，畀大家將滿載香港味道嘅冬日回憶帶返屋企。而呢個活動全數收益將會唔扣除任何成本，全數捐贈畀香港本地非牟利機構「願望成真基金」，合力協助患病兒童夢想成真！
3大港式美食主題場景 收集印章換領特別版奶茶杯
走入昂坪市集同樣驚喜浪接浪！3大主題「打卡」位帶領賓客深度探索港式味道！
- 動感十足嘅立體「黃金比例巨型奶茶」裝置，生動還原港式奶茶嘅黃金比例，為大家解密奶茶香滑濃厚嘅美味秘訣。
- 重現懷舊風情嘅「黑白®港味・茶記」可以畀大家坐上經典「卡位」，細味感受茶餐廳獨有嘅人情味。
- 走入「黑白®地道港式美食」，大家可以親身化身美食饗宴一員，同奶茶嘅「靈魂拍擋」巨型蛋撻、菠蘿包開心合照，全方位體驗呢場港式味道聖誕派對之中！
除咗瘋狂「打卡」之外，大會仲設有「扱印仔換禮物」活動。由2026年11月7號到2027年1月1日，逢星期六、日，以及2026年12月24~27號、31號同埋2027年1月1號，揸住即日纜車飛嘅賓客，可以喺東涌纜車站售票處或者昂坪市集360旅遊資訊中心免費領取1張蓋印卡。
只要係頭嗰150個喺3個「打卡」位成功收集3個印章完成圖案嘅賓客，再出示即日纜車飛，就可以免費換領1罐「黑白®濃滑經典奶茶」加1個「港式風味」鍵盤鎖匙扣！嗰款鍵盤鎖匙扣巧妙融合咗奶茶、蛋撻、菠蘿油、昂坪360纜車呢啲港式地道元素，賓客仲可以隨機抽取兼自由拼裝專屬趣味鍵盤！
特別要留意，2026年12月24~27號期間，每日頭嗰20名集齊蓋印嘅賓客，仲可以額外獲贈1隻限量版「昂坪360 × 黑白®」奶茶杯，極具收藏價值。所有禮品數量有限，先到先得，換完即止。
資深奶茶師傅示範「非遺」奶茶技藝 每場免費派發100杯黑白®港式奶茶
「港式奶茶製作技藝」係已經被列入《香港非物質文化遺產代表作名錄》嘅傳統手藝，充分體現出奶茶師傅所傳承嘅手藝同埋深厚功夫。
「昂坪360 X 黑白®港味聖誕之旅」呢次特別邀請咗華星冰室嘅資深奶茶師傅親臨昂坪市集，2026年11月21號、12月19、25、26號1400現身昂坪市集涼亭前，即場示範「一沖、二焗、三撞、四回溫」嘅技巧，仲大方分享正宗港式奶茶沖製秘訣，畀賓客可以近距離感受港式奶茶精湛技藝同埋匠人精神。
除此之外，師傅亦會即場炮製香滑濃厚嘅黑白®港式奶茶，每場免費派發100杯，為寒冬帶嚟絲絲暖意！賓客需要先喺現場攞籌先至可以觀賞示範並且獲得1杯免費奶茶，名額有限，先到先得，派完即止。但係如果對奶類製品有敏感，就避免飲用，同時為確保食物安全，派發後必須盡快飲用。
香港人半價坐指定來回纜車 限定黑白®主題纜車登場
為咗畀賓客盡情享受冬日旅程，昂坪360特別推出驚喜纜車優惠。活動期間，持有香港身份證嘅賓客可以用半價優惠選購來回纜車飛，包括1程水晶車廂、1程標準車廂，畀大家以超值價格解鎖高空美景加地道聖誕之旅！心動不如馬上行動，即刻買飛啦！
- 成人只需港幣165蚊（原價港幣330蚊）
- 小童只需港幣92蚊（原價港幣185蚊）
- 長者只需港幣97蚊（原價港幣195蚊）
另外，昂坪360亦特別推出限定黑白®主題纜車，車廂內外都貼咗黑白®嘅經典標誌以及圖案，畀乘客喺半空中俯瞰大嶼山迷人美景，同時盡情體驗乘搭黑白®主題纜車嘅獨一無二「打卡」樂趣。不過要注意返，主題纜車數量有限，得2款合共6架，並且係隨機出現；如果賓客並未購買私人包廂就有機會需要依照現場職員指示而同其他賓客乘坐同一纜車車廂。
一連串聖誕活動上演 風笛隊、泡泡表演倍添節日氣氛
為咗將濃厚聖誕氣氛散播到昂坪市集每個角落，昂坪360喺2026年12月指定日子會舉辦唔同主題嘅聖誕表演，包括香港城市風笛隊喺2026年12月20號1300、1500會喺昂坪市集涼亭前演奏，而2026年12月19、24~27號1300、1530就有夢幻吹泡泡表演，為遊人帶嚟充滿節日氣氛嘅難忘體驗，以及同親朋好友共度溫馨愉快嘅佳節！
臨尾又重溫下2020年黑白®慶祝80周年嗰陣嘅天星小輪特別拉花，不過究竟黑白®係1940年定1941年喺香港市場拓荒？
Be the first to comment