作為臺灣嘅精品航空公司，星宇航空由長榮航空前董事長張國煒喺2018年成立，自2020年首航就以「飛行安全零失誤」做目標，秉持嚴謹、縝密嘅態度飛行，並以超越旅客期望為宗旨，提供貼心、創新嘢服務。星宇航空目前航線服務24個航點，遍及東南亞、東北亞，遠至美國洛杉磯、三藩市，2024年7月16號首航香港、8月首航西雅圖，方便旅客往返北美以及亞洲各大城市，期望快速穩健咁邁向成為「全球首屈一指頂級航空公司」，點亮旅客對每段旅程嘅期望以及回憶。
星宇航空為咗迎接來回票價近2000蚊、暫定每日2班又有信心未來市場可以加到每日5班嘅臺北桃園←→香港赤鱲角航線喺2024年7月16號正式啟航，已經喺香港聘請咗18名本地人才，仲喺2024年7月4號假屈地街電車廠宣布佢哋同香港電車聯手合作推出一系列慶祝活動，包括大人小朋友都鍾意嘅卡通人物聯乘主題廣告電車以及「一日星宇電車全景遊」活動，務求旅客可以親身體會結合天與地兩種交通體驗嘅多重感觀，進一步令公眾感受到星宇航空嘅魅力，同時搭香港電車繼續發掘香港嘅旅遊好去處、新玩法。
星宇航空與香港電車聯手推出航空主題廣告電車——由2024年7月4號去到9月30號，著起咗機長以及空中服務員制服嘅《花生漫畫》卡通角色（即係「史努比」嗰啲）會喺#163電車，陪大家游走香港繁華嘅街道，車身配上引人注目嘅鮮黃色，加上車廂入面座椅、樓梯、天花都有驚喜，就算唔係卡通人物嘅支持者都抗拒唔到咁可愛嘅氣氛。
點解星宇航空呢次會用上「史努比」嚟搞香港電車主題廣告呢？
星宇航空喺2024年3月27號宣佈，由2024年6月15號到10月31號期間，推出「史努比主題航班」，航機上一大堆乘客用品，通通都係「史努比」同埋快樂小夥伴，全部都超值得收藏紀念！
呢次聯乘企劃涉及超過30項航機上乘客用品，全部都加入「史努比」元素設計，由登機報到嘅登機證、行李牌，就已經有「史努比」相伴，而機艙入面嘅機上迎賓畫面、耳機袋，以至開餐時候用嘅主題紙杯、餐巾紙、米果包裝都換上「史努比」造型設計，就連飛機餐嘅錫紙，都有《花生漫畫》卡通角色。搭頭等艙或者商務艙，仲有「史努比」杯墊，長程航線更加有專屬漢堡紙、迷你食物旗幟等，無論係唔係「史努比」嘅支持者，都無法抗拒可愛嘅佢！
如果係小朋友乘客，航機上兒童餐就有印製經典《花生漫畫》卡通角色嘅兒童餐盒，航機上兒童玩具仲提供「史努比」以及佢一眾朋友一齊搭飛機嘅主題貼紙本，令小朋友喺旅途中增添樂趣。
講返星宇航空與香港電車聯手推出航空主題廣告電車
星宇航空以及香港電車共同為創造更理想旅遊體驗而努力。星宇航空中國大陸首席代表兼香港分公司總經理周寳裕先生聯同香港電車市場商務及品牌總監張永恒先生一齊踩響經典嘅「叮叮」聲，象徵雙方合作正式啟動！
星宇航空中國大陸首席代表兼香港分公司總經理周寳裕先生指出，作為初踏入香港市場嘅航空公司，非常高興能夠同擁有120年歷史嘅香港電車共同合作，『叮叮』作為香港嘅經典品牌，多年嚟以從容不迫嘅步伐為乘客締造美好回憶，畀乘客靜心欣賞以及感受香港城市之美，將人安全送到目的地，同星宇航空想將飛行塑造為旅遊體驗嘅理念相符，希望旅客由踏入機艙一刻開始，就體會到驚喜、期待。透過品牌合作，令星宇航空更為深入民心，為香港本地以及訪港旅客帶嚟更豐富嘅旅遊選擇以及體驗。
香港電車市場商務及品牌總監張永恒先生表示，「電車全景遊」一直都深受訪港臺灣旅客歡迎，相信星宇航空能夠為香港電車由臺灣帶嚟更多機遇，同星宇航空合作期間，香港電車留意到星宇航空對飛行嘅熱誠、對服務香港嘅興奮，呢次能夠成為星宇航空拓展香港業務里程碑嘅一部分，絕對係香港電車嘅榮幸，深信星宇航空將會促進香港本地旅遊發展。
香港電車嘅「電車全景遊」可以畀旅客乘搭仿1920年代開放式設計嘅古雅電車享受歷時一句鐘嘅觀光之旅，盡覽香港島醉人景色。星宇航空再度昇華呢段旅程，2024年7月20號舉辦「一日星宇電車全景遊」快閃活動，由優雅專業嘅空姐、空少沿線提供服務，帶乘客暢遊上環←→銅鑼灣，乘客喺呢個特別班次可以享受航機上限定飲品「星宇特調」以及獲獎航機上點心糙米堅果酥之餘，仲有機會獲得獨家禮品以及紀念乘車證，為行程添上特別回憶。
最後，星宇航空聯同香港電車仲一齊邀請大家透過 Instagram REELS 記錄自己第一身乘搭星宇航空主題廣告電車嘅旅程，仲有機會贏到星宇航空來回香港←→臺北機票㖭！
Be the first to comment