九巴HK1 「水怪」出沒注意

放心，唔係真係尼斯湖出沒嘅水怪，而係 Sanrio 嘅 Hangyodon，同九巴嘅「城市魅力」HK1 開篷巴士路線嚟個 Crossover

繼 Melody 同「大口仔」MINNA NO TABO 之後，九巴今年再度夥拍 Sanrio 聯乘合作，今年嘅 Sanrio 角色係一般稱為「水怪」嘅 Hangyodon。 以其「浪漫主義」聯乘配搭開篷巴士路線「城市魅力」HK1。

Hangyodon最愛逗人發笑，身為浪漫主義者的他卻怕寂寞，反差感十足，加上招牌的一雙大眼睛及豐厚嘴唇定能再次迷倒不少粉絲。由5月1日至7月30日，九巴仔 x Hangyodon會响主題九巴開篷巴士路線「城市魅力」HK1上「浪漫遊香港」。

Hangyodon將與各位乘客結伴，响「城市魅力」HK1上開篷巴士路線，「用最溫柔的心，換最溫柔的旅程」，遊覽九龍多個著名景點，為乘客提供難忘的浪漫香港體驗，讓旅程變得更夢幻。

除咗裱貼上九巴仔 x Hangyodon 嘅巴士之外，兩位 Crossover 角色仲會隨時「突襲」尖沙咀碼頭巴士總站，到時整個尖沙咀碼頭巴士總站將佈置成九巴仔 x Hangyodon主題車站。各位「水怪」Fans 留意打卡嘅良機。

另外，由5月1至31日於金巴利道巴士站（美麗華廣場一期對出）亦設有九巴仔x Hangyodon主題燈箱，於5月指定周末更有特別遊戲環節，完成簡單任務可以即場獲得主題紀念品一份，先到先得，額滿即止。詳情請留意九巴Facebook專頁。

今次聯乘，當然唔少得多款巴士模型及生活用品，包括主題開篷巴士模型，加大版主題八達通咭、水樽、頸枕及旅行袋等，不論是乘搭九巴時需要頸枕小睡片刻，抑或出門旅行需要方便摺疊的行李袋，九巴仔x Hangyodon都在您的左右，為您的生活添上額外的童趣及浪漫。

一系列九巴仔x Hangyodon聯乘產品將於5月18至26日，在荃灣荃新天地2期九巴期間限定店首次公開發售，各位九巴仔及Hangyodon的愛好者切勿錯過！

資料及相片由九巴及SANRIO 提供。