英國政府宣布，英格蘭地區兒童可以喺2026年8月免費搭巴士，呢項政策係名為「英國夏季慳錢計畫」（Great British Summer Savings）、旨在減輕家庭夏季開支嘅一堆措施之一，幫助家庭度過學校假期。
根據呢個計劃，英格蘭地區5~15歲兒童喺全個2026年8月期間可以免費搭參與呢個計劃嘅當地公共巴士路線，涵蓋當月無限次乘搭，毋須註冊，受助家庭亦毋須畀任何費用。
英國首相施紀賢（Keir Starmer）表示：「我哋知道好多辛勤工作的嘅家庭仍然面臨經濟壓力，經常無得唔勒緊褲頭過日子。透過喺整個（2026年）8月為所有兒童提供免費巴士，並且降低日常食品價格，我哋正在幫助公眾減輕負擔，令佢哋生活得輕鬆啲。本屆政府致力採取切實可行措施，幫助大家渡過難關——減輕家庭開支壓力、喺學校假期期間為家長提供支持、扶持英國企業。 」
英國政府已經撥款超過1億英鎊資助呢次兒童免費搭巴士計劃，並且為受營運成本增加影響嘅公共巴士服務提供額外支援。
呢次兒童免費搭巴士計劃喺2026年8月1~31號實施，畀英格蘭嘅家庭能夠喺暑假期間一日遊、探親訪友嘅嗰陣，減少使用公共交通工具嘅開支。
英國運輸部指呢項措施同現有支持公共巴士服務措施並行，包括票價上限、加強投放資金落地區交通服務。根據當局估計，1個有2個小朋友嘅家庭，如果每星期搭巴士一來一回，以兒童票價1.50英鎊計算，咁喺2026年8月份可以因為呢項措施慳到27英鎊。
呢項涵蓋全英格蘭嘅政策係緣自英格蘭西部嘅一項試點計劃，由西英格蘭首長葛海倫（Helen Godwin）領導，起初喺特定假期期間為兒童提供免費搭巴士，嗰項計劃喺假期期間有超過100萬免費搭巴士人次，亦顯示低收入地區兒童以至家庭搭巴士嘅比例增加。
英國運輸大臣艾凱迪（Heidi Alexander）表示：「（2026年）8月份所有兒童免費搭巴士意味着家長可以更輕鬆咁安排小朋友外出活動、探望親友，並且充分利用假期而無需承擔額外公共交通開支上嘅經濟壓力。我哋已經睇到呢種模式係可行——英格蘭西部嘅免費搭巴士計劃正切實影響到公眾，尤其惠及最貧困社區嘅年輕人。呢樣正係我哋希望今（2026）年夏天為全英格蘭家庭帶嚟嘅福祉。呢項計畫建立喺我哋為改善公共巴士服務所做嘅一系列工作之上——由3英鎊嘅公共巴士票價上限、《巴士服務法案》，到我哋對地方公共巴士服務投入30億英鎊，甚至30年嚟首次凍結鐵路票價。我哋正在確保公共交通真正『為人民服務』，而唔係成為公眾負擔。 」
Be the first to comment