關西機場交通株式會社、阪急觀光巴士株式會社、阪神巴士株式會社、近鐵巴士株式會社、奈良交通株式會社、三井住友卡株式會社、JCB株式會社、QUADRAC株式會社、小田原機器株式會社、LECIP株式會社10間公司合作，由2026年3月1開始喺日本關西國際機場以及大阪（伊丹）機場嘅機場巴士上提供使用三井住友卡公共交通解決方案「stera transit」嘅免觸式支付服務，乘客可以直接使用相容免觸式支付嘅信用卡、扣賬卡、預付卡或者已經連結相關支付卡嘅智能手提電話支付車資（初期部分線路、部分巴士公司暫不支援）。
| 關西機場交通株式會社 阪急觀光巴士株式會社 阪神巴士株式會社 近鐵巴士株式會社 奈良交通株式會社 | 巴士營運商 免觸式支付設備安裝 免觸式支付專案實施 |
| 三井住友卡株式會社 | 支援無現金支付實施 提供stera平台（stera transit） Visa、Mastercard、銀聯免觸式支付解決方案以及推廣 |
| JCB株式會社 | 支援無現金支付實施 JCB、美國運通、大來信用證、Discover免觸式支付解決方案以及推廣 |
| QUADRAC株式會社 | 為巴士營運商提供基於「按需即用軟件」（SaaS）嘅支付以及認證平台「Q-move」 |
| 小田原機器株式會社 LECIP株式會社 | 提供、開發、維護無現金支付系統以及設備 |
根據三井住友信用卡公司2026年2月發布嘅消息，呢次係首次喺關西國際機場以及大阪（伊丹）機場嘅機場巴士引入免觸式支付服務，5間巴士公司合共喺260架巴士上安裝相關器材提供呢種服務。
免觸式支付服務先前已經喺關西地區逐步推廣，主要應用喺客運鐵路，隨着擴展到機場巴士，前往關西地區嘅國際遊客以及日本本地人都無需準備現金或者提前買飛，就可以使用熟悉嘅信用卡更方便咁往返機場以及關西地區週邊城市。呢次機場巴士引入免觸式支付服務旨在進一步推動關西地區嘅無現金交易以協助地區復興。
做乜引入？
根據日本觀光廳初步數據，2025年日本國際旅客數量預計達到4 268萬人次，其中2 173萬人次係使用關西國際機場。
此外，新型冠狀病毒（武漢肺炎）疫情過後，商務以及休閒旅遊恢復，旅客運輸需求激增，日本國家旅遊局2025年12月初步數據顯示關西國際機場以及大阪（伊丹）機場嘅國內以及國際旅客總數合共達5 027萬人次。
雖然往返2個機場嘅機場巴士越來越多接受IC卡支付買飛，但仍然存在一啲問題，例如乘客喺自動售票機買飛造成擠塞，加重巴士站售票員以及司機嘅工作負擔。為咗解決這呢啲問題，幾間公司聯合喺機場巴士推出名為「stera trans」嘅公共交通解決方案，旨在方便國際遊客以及無IC卡喺手嘅日本國內旅客。
上車畀錢
乘客拎現有免觸式支付卡（信用卡、扣賬卡、預付卡）或者已經連結咗支付卡智能手提電話，輕觸巴士上新安裝嘅專用終端機，就可以輕鬆畀車錢。
適用線路
- 關西國際機場
- [大阪府]
- 大阪站線
- 大阪機場（伊丹機場）線
- 近鐵上本町線
- 南港/環球影城線
- 臨空城線
- 空中穿梭線（Sky Shuttle）
- [兵庫縣]
- 神戶線
- 西宮線
- 尼崎線
- [奈良縣]
- 奈良線
- [大阪府]
- 大阪（伊丹）機場
- [大阪府]
- 大阪站線
- 新大阪線
- 難波線
- 阿倍野橋線
- 上本町線
- 環球影城線
- 關西國際機場線
- [兵庫縣]
- 神戶三宮線
- 甲子園線
- [京都府]
- 京都線
- [奈良縣]
- 奈良線
- [大阪府]
啟用日期
2026年3月1號（星期日）
適用卡種
- Visa
- Mastercard
- JCB
- 美國運通
- 大來信用證
- Discover
- 銀聯
點樣睇返免觸式支付記錄
去到 QUADRAC 嘅「Q-move」網站，並且喺「我的頁面」完成會員註冊流程，即可查詢免觸式付款記錄。
Be the first to comment