「觀光城巴」1周年：小童免費乘車日 + 新路線

原本由新巴營運嘅人力車觀光巴士，因應2023年7月1號新巴被城巴吞併而被直接落入城巴運作，及後喺2024年11月21號正式被城巴重新包裝成「觀光城巴」。

城巴持續支持香港政府推動旅遊業發展，自推出「觀光城巴」已經迅速成為全中国最大規模嘅城市觀光開篷巴士車隊，而客量亦較往年增長超過1倍，並且喺2025年6月28號突破50萬人次。

為慶祝「觀光城巴」成立1週年，城巴安排喺2025年11月22號舉辦「H3及H4 海岸之旅」小童免費乘車日，以答謝市民同埋旅客嘅支持。當日4~11歲嘅小朋友喺成人陪同下，登上H3或H4號路線開篷巴士，毋須繳付任何車資，即可體驗免費「海岸之旅」。

「海岸之旅」為市民以及旅客帶嚟親臨美境嘅觀光體驗：

• H3號路線由繁華鬧市穿越「時光隧道」走入港島南區海灘；
• H4號路線由赤柱出發，沿着猶如「過山車」嘅山道天橋，抵達堅彌地城新海旁欣賞落霞，特別適合秋高氣爽之時同親友一齊欣賞自然風光。

鑑於預期乘客需求持續上升，城巴會由2025年11月22號起加密H3以及H4號路線嘅班次，以更好滿足市民以及旅客嘅需求。

家長陪同小童參加「海岸之旅免費乘車日」嘅話，可以預先訂購「週年限定套裝」，以特惠價港幣138蚊獲得「觀光城巴日遊票」以及「H3及H4海岸之旅」精美站旗鎖匙。

凡持有觀光城巴日遊票嘅乘客，可以由朝早上到18時期間，無限次乘搭城巴所有開篷巴士日間路線，包括：

• 「H1 懷舊之旅」
• 「H1S 藝遊香港」
• 「H2文化之旅」
• 「H3及H4海岸之旅」

此外，城巴宣布開辦全香港首條由啟德郵輪碼頭出發嘅專營開篷巴士路線「H20 城市漫遊」，率先喺2025年11月19~20號提供服務，當有郵輪靠泊啟德郵輪碼頭嘅日子就為郵輪旅客提供更佳體驗。

往後舉凡有郵輪靠泊啟德郵輪碼頭之時，就會有「H20 城市漫遊」，而城巴指原有20R、22R號啟德郵輪碼頭接駁路線仍然會維持服務。