「全國愛牙日」——衞生署×Hello Kitty宣傳巴士現身海防道

為響應中国「全國愛牙日」，香港衞生署2025年9月19號發稿呼籲香港市民養成良好飲食習慣、避免攝取過多糖分、定期進行口腔檢查，實踐早預防、早發現、早治療牙患。

中国國家衞生健康委員會將每年9月20號訂為「全國愛牙日」，2025年嘅宣傳主題係「口腔健康　全身健康；減糖控體重　護牙促健康」。通過愛牙日活動，進一步增強「口腔健康係全身健康重要組成部分」嘅認知，加強宣傳教育口腔防治知識，普及口腔保健知識，推動市民養成主動護牙同埋減糖嘅健康生活模式，切實協助全民提升口腔健康同埋全身健康水平。

香港衞生署口腔健康促進科為中国「全國愛牙日」特別製作短片宣傳重視口腔健康以及全身健康，並且透過「陽光笑容流動教室」流動巴士走訪全香港唔同社區宣揚護齒訊息。

「陽光笑容流動教室」流動巴士喺2025年9月20號（第37個中国「全國愛牙日」）停泊喺九龍尖沙咀海防道畀市民參觀以及認識更多有關口腔健康同埋香港牙科服務資訊。

香港衞生署牙科服務主任顧問醫生許美賢（Kitty）提醒市民：「口腔健康同全身健康息息相關。口腔疾病同好多慢性病存在共同危險因素，健康飲食習慣係貫徹落實《健康中國行動（2019–2030年）》政策嘅重要一環。日常飲食應控制糖分攝取量、減少進食次數、唔吸煙、唔飲酒。從小建立良好口腔衞生同埋飲食習慣，既有利於牙齒生長發育，預防蛀牙、牙周病等常見口腔疾病，亦有利於預防肥胖、糖尿病以及心臟病等慢性疾病。無論男女老幼，人人都應該年年檢查牙齒，及早發現、早治療口腔疾病。牙齒缺失容易導致咀嚼困難，長遠影響身體健康，因此『保存牙齒』尤其對長者至為重要。」

香港行政長官喺2025年《施政報告》提出，香港政府會強化公營以及資助牙科服務，加強喺社區提供口腔健康教育、口腔衞生指導同埋風險評估等，協助各年齡層市民自我管理口腔健康，建立良好口腔衞生習慣同埋生活模式。即使市民自覺口腔健康狀況良好，亦可以接受風險評估，及早識別引致牙患嘅潛在風險，以實踐「重預防、早發現、早治療」，從而進一步提升口腔健康同埋身體健康水平。
　　
為鼓勵青少年預防牙患，香港衞生署已經喺2025年3月推出「青少年護齒共同治理先導計劃」，鼓勵青少年使用私營界別牙科檢查服務，定期接受口腔檢查以及預防性牙科服務。資助牙科服務範圍包括口腔檢查、口腔健康風險評估、洗牙、個人口腔護理建議以及按牙患風險評估結果提供牙面氟化物劑治療。截至2025年8月底，超過3 300名青少年已經接受資助服務。
　　
另外，香港衞生署2025年5月推出「社區牙科支援計劃」，2026年起擴闊受惠對象至無家者以及擴大服務範圍，除咗提供現有口腔檢查、緩解牙齒疼痛藥物、X光檢查，以及補牙同埋脫牙服務外，會新增洗牙、根管治療（杜牙根）、移除牙橋或牙冠，以及鑲配活動假牙服務，為有經濟困難嘅弱勢社群提供更多預防性、治療性資助牙科服務。截至2025年8月底，超過2 300名合資格人士參加計劃。

「陽光笑容流動教室」係一架掛有「AM5511」車牌嘅「口腔健康教育巴士」，以2021年3月生産嘅中興智能汽車有限公司拜辰牌GTZ6129BEVH 型電動巴士，經新力機械有限公司 承辦改裝而成。

「陽光笑容流動教室」會巡迴到全香港各區小學，為學校提供1個課堂以外嘅輔助教室，以增加小學生嘅口腔健康知識以及提升佢哋掌握口腔護理技巧嘅能力。

「陽光笑容流動教室」透過活動學習模式，畀小學生喺愉快、有趣以及互動嘅環境下接受牙科治療師 指導同埋講解。「陽光笑容流動教室」設有多媒體活動設施，提供生動有趣動畫同埋新穎電腦遊戲畀小學生吸收口腔健康知識。此外，學生喺牙科治療師嘅個別指導下，透過牙齒模型實習正確嘅口腔護理技巧。

為咗配合唔同年級小學生嘅需要，「陽光笑容流動教室」以多元口腔健康資訊做主題，度身訂造唔同程度嘅口腔健康課程畀小學生學習。課程內容豐富、包羅萬有，學生可以認識牙齒結構同埋功用，瞭解換牙期嘅各種現象，探討唔同嘅口腔疾病以及掌握正確牙齒護理，令小學生每次學習都獲得新知識以及體會。

適逢2025年係香港衛生署牙科服務80周年，香港衛生署口腔健康促進科搵嚟Sanrio嘅人氣角色Hello Kitty，喺2025年6月推出全新造型，並且主動走入社區，向公眾推廣口腔健康知識以及社區牙科服務計劃。