新年伊始就撞巴士 消息指逾30人受傷

2023年1月1號，正當香港唔少市民仍然沉醉喺新年歡樂氣氛之中，意外驟然降臨！

消息指，傍晚時分，1架新巴12.8米版本嘅Dennis Trident E500 Turbo型雙層巴士（車隊編號：6143，車輛登記：UV5482），正接載乘客行緊796P號路線嘅「尾班車」，喺將軍澳康城路向環保大道方向，近康城地鐵站嘅一段路突然失控，剷上行人路、撞毀一段鐵欄、扯斷多條電線，然後衝出路邊反落斜坡。

當局喺1717時接到報案之後立即調派大量救援人員趕去現場，據了解消防處已經將事件定為大量傷者事故，港九新界多間消防局都有派遣拯救人員參與救援行動。現場有消息指受傷人數高達31人（15男14女2小童），10幾名乘客被困巴士車廂。

運輸署表示，因交通意外，康城路往環保大道方向近康城港鐵站部份行車線已經封閉。駕駛人士只可使用餘下行車線行車，一帶交通繁忙。