【港鐵】中國製「Q-train」投入服務 開始取代英國製「M-train」

2022年11月27號朝早，大約 700 名乘客乘搭港鐵市區綫新列車首航日嘅特別班次，見證第一列新列車率先喺觀塘綫投入服務。

呢一個特別班次喺0858時由彩虹站開出，前往調景嶺方向，途經九龍灣、牛頭角、觀塘等車站嘅月台都有一批又一批市民等待拍攝新列車。

港鐵公司行政總裁梁國權同當時嘅中國南車青島四方機車車輛股份有限公司董事長張在中喺2015年8月5號正式簽署價值60億元合約，購買93抽8卡車廂列車，用以取代一直使用嘅英國都城嘉慕製造、澳洲United Group（A.Goninan）翻新嘅「現代化列車」（別稱M-train）。

93抽由中國中車青島四方機車車輛生產嘅市區綫新列車（別稱Q-train）係港鐵歷來最大一次投資喺列車，港鐵表示提升咗列車設計，列車外觀以及車廂內部設計由法國MBD design負責，包括提供更好嘅乘車體驗設施，例如欖型扶手柱同埋喺車廂各處裝上「港鐵車廂電視」，仲設有靜音車廂， 新列車亦增加有智慧功能嘅設備，以提升列車運作可靠度。

呢批新列車自2018年1月底開始運抵香港，預計整個交付歷時7年左右，而相關新訊號系統就預計去到2028~2029年全綫完成。

而根據中國中車四方車輛廠喺微信官方帳號「高铁四方」嘅文章講到Q-Train投入服務嘅消息，港鐵內部都有一場啟行儀式，消息中可以見到相關儀式以及一抽Q-Train喺青島廠房嘅相片：