【讀者來鴻】乘客：九巴開咗條新線？

是咁的，2022年7月15號朝早，有讀者去采頤花園巴士站等巴士返工嗰陣，發覺九巴好似開咗條新巴士路線咁喎！

根據讀者來相，見到1架九巴富豪B9TL型雙層巴士（車隊編號：AVBW13，車輛登記：MF6284）行緊「1BB」號巴士路線。

BB，我嚟搭上你喇？！

當然，依家九巴旗下係未有巴士路線使用「1BB」呢個編號，根據智能手提電話流動應用程式「ACROSS Bus」，當時呢架巴士就其實係行緊11B號路線（觀塘（翠屏道）←→九龍城碼頭），途經九龍城、新蒲崗、九龍灣一帶。

不過細心諗吓，太子道東采頤花園巴士站呢邊係東行，既然係行緊11B號路線，咁電子路線牌就唔單單係路線號碼錯咗，係連「九龍城碼頭」呢個方向都錯埋喎！

又咁講，電子嘢會壞唔係神奇事，作為乘客，見到埋站嘅巴士顯示一啲自己覺得睇唔通嘅內容：

其實你有禮貌咁問車長嘅話，都樂意解答你㗎！

你哋話係咪先？