【讀者來鴻】網傳九巴載曱甴？ 影片證實有其事！

是咁的，今個月頭喺Facebook有人好煞有介事咁話九巴有車長用私牌車載曱甴周圍去：

好巧合咁喺啱啱過去嘅星期日深夜，本台就收到一段影片，見到一個應該係疑似九巴款式嘅巴士車廂入面，確實有唔少曱甴出沒：

由於拍攝者傳送影片畀本台報料嘅時間已經接近凌晨，本台相信當日巴士車長已經將呢班曱甴多次來回接送，著實令人震驚！（大佬呀~公眾衛生問題嚟㗎！）

話得說回來，香港各間巴士公司向來都有安排承辦商為巴士進行清潔同埋滅蟲…不過，或許一如2019年3月九巴官方Facebook專頁所講：「清潔又點？都無公德心嘅」――如果乘客無視公德，喺巴士上飲食又跌到周圍係、喺巴士上有垃圾就隨手丟隨手揳，整到個環境污糟晒，又點會無曱甴吖！