新巴：疫情緩和，恢復有限度服務 結果：服務真係好「有限度」

早前新型冠狀病毒（武漢肺炎）喺香港肆虐多個月，所謂「第五波疫情」之下，好多唔同嘅公共交通機構從業員都因為染病而無法開工，加上客量暴跌，公共巴士公司因而相應削減服務。

隨著所謂嘅「疫情」緩和，公共巴士服務亦都陸續相應恢復，不過仍然同所謂嘅正常時期有所差距。

其中新巴來往中環（港澳碼頭）以及西灣河（嘉亨灣）嘅2號路線，較早前就曾經因為疫情而全面停駛，根據最新嘅安排由2022年4月21號開始，新巴2號路線會恢復提供有限度服務。

所謂嘅有限度服務，除咗係縮短每日開出巴士嘅時段之外，每班車相隔時間亦會延長到30分鐘。

不過或許乘客最意想唔到嘅係呢種情況：

係呀！出單層巴士呀！

有市民表示話本身搭渡輪經中環碼頭轉巴士返工，喺中環3號碼頭見到新巴2號路線竟然出動到單層巴士就立即唔肯上車，寧願畀多個幾車錢搭960P。