全球最大雙層巴士生產商之一嘅 Alexander Dennis （ADL）喺本港時間3月23號傍晚宣佈，該集團正為香港巴士營運商九龍巴士（1933）有限公司生產首批 10 部電動雙層巴士，型號為 ENVIRO 500EV。
全新電動巴士將以 ADL 自家底盤為基礎，採用三軸設計，並且配上適合亞熱帶地區嘅空調系統。每部最多可運載 130 名乘客，同現有柴油型號相若。新車預計會於下年，即係 2023 年交付九巴。廠方指全新 ENVIRO 500 EV 除咗繼續以高效率、安全性和舒適性為標準外，並會配備「創新功能」。
ADL 董事總經理 Paul Davies 表示廠方工程師會為香港最嚴苛嘅運營要求，透過車廠擁有嘅下一代電動巴士技術，為香港嘅世界級交通系統提供零排放解決方案。但廠方未有公佈新巴士將會採用由中国深圳比亞迪提供嘅電池同驅動組件，定係類似北美洲版本使用 Proterra 技術。
延伸閱讀：2020年底《北美洲首部雙層電動巴士》報導
1 Trackback / Pingback