荃灣千里台火燭 荃威總站無巴士

2021年12月30號朝早，荃灣荃景圍千里台有1個住宅單位起火，消防需要將救援車輛停喺荃景圍、安賢街交界，近荃灣港安醫院一段路需要封閉。

由於現場係單程路，巴士未能上山，導致荃威花園巴士總站無巴士，而荃景圍一帶都出現擠塞，途經嘅新界專綫小巴服務亦受影響。

荃威花園居民需要步行前往青山道「荃景圍天橋」分站乘搭巴士。