富豪觀光巴士接載「台灣英雄」巡遊

台灣嘅中華文化總會將會喺今日國慶日典禮後，喺中華路至館前路舉辦英雄遊行及英雄谷，讓東京奧運、殘奧，以及防疫救災英雄與台灣民眾光榮相見。

台灣選手喺東京奧運同殘奧上大放異彩，台灣人民期盼近距離歡迎代表隊凱旋返國。經過官方謹慎評估疫情，中華文化總會決定喺國慶典禮後，緊接舉行名為「OUR HEROES！」嘅台灣英雄大遊行，安排東京奧運和殘奧嘅台灣選手們同民眾嘅首場「見面會」，也都係台灣中華文化總會繼2017、2018、2019後，第四度舉辦英雄大遊行。

而喺大遊行上，將會安排三重客運配有大吉車體嘅富豪B8RLE 雙層觀光巴士作為遊行花車。日前巴士已經帶住貼有遊行橫額廣嘅玻璃廣告，出席咗活動前綵排。有關「OUR HEROES！」台灣英雄大遊行嘅直播，將會喺11:30開始，全程透過蔡英文總統、中華文化總會YouTube頻道、Facebook專頁，以及Yahoo! TV直播。