九巴撞飛石壆 紅隧一條收費通道停用

2021年8月11號清晨，網絡上流傳指有1架行走N118號路線嘅九巴雙層巴士，由港島往九龍，過咗紅磡海底隧道之後，撞落最左面嘅自動收費亭石壆，引致成個石壆被撞飛去到巴士站入口通道。

據悉事發時間大約喺清晨5點幾，有途經嘅司機指被撞收費亭被撞到消失埋。

運輸處表示，因交通意外，海底隧道收費廣場(往九龍方向)第1線需要封閉，駕駛人士只可使用餘下行車線行車，上址交通繁忙。