是咁的，基於新型冠狀病毒（武漢肺炎）肆虐，大家保持社交距離唔好周圍去係一種社會責任…不過搞到公共巴士少咗人搭就令到巴士公司賺少咗錢…
為咗由另一邊開源戥返勻條數，九巴趁勢加強推廣佢哋嘅網上商店，首先會喺2020年4月7號推出5款新品，再有1款就由4月20號開始公開發售。
不過呢~今次推出嘅一堆新品入面，其中一款就幾令人心感震撼：Q版彈台巴士 富豪前衛歐盟第六代環保巴士12米。
嗱，玩具級Q版彈台預咗係唔啱比例㗎喇，叫乘客飛墮入巴士車廂 / 攀爬上巴士站月台都ok嘅，當玩「極限運動」啫（● v ●）
之但係有巴士迷就覺得：「喂呀~做乜龍運巴士會泊埋去『巴士停留處』呢款站牌嘅巴士站㗎？」（編輯按：龍運巴士首航時呢款站牌已經停用多時）、「1A個車長突發癡呆揸錯入新界？」（編輯按：九巴1A號路線唔會經獅子山隧道）
懶 公道講句：「細路仔玩具好似唔使咁認真，九巴無揸槍逼大家買嘅，係咪先？」
每年出咁多款都無地方擺啦…點會全部買呀？
Be the first to comment