吐露港公路緊急水務工程 九巴城巴晨早服務大改動

運輸署表示，因為水管緊急維修，吐露港公路往九龍方向近沙田馬場嘅快線以及中線會喺2022年12月20號晚到12月21號朝早持續封閉。

受到呢一次封路影響，吐露港公路塞車情況嚴重，途經嘅公共巴士路線服務亦嚴重受阻。受影響嘅道路使用者可以改用大埔滘至馬料水之間一段大埔公路、創新路與科學園路作為替代吐露港公路嘅路線；由上水、粉嶺出市區嘅道路使用者可以改用新田公路、大欖隧道。

根據城巴嘅消息，預計喺2022年12月21號朝早涉及改道嘅班次包括：

• 979
• 4班79X (皇后山開0650-0820)
• 1班907B
• 2班907C
• 6班307P

消息指城巴將會安排喺巴士頭玻璃以及錢箱貼上A3黃紙提示乘客，仲會喺朝早派人到皇后山監場，同時已經詢問旗下巴士車長識唔識路，需要時會調「字軌」配合，另一方面亦都會派人監察改路或塞車會唔會令到上晝繁忙時間回唔切車而要及時調整班次。如唔夠識路嘅巴士車長，可能有需要「收車」。當然佢哋都期望維修工程提早完成，路面及早重開就唔需要改道。

而九巴方面亦都發放最新嘅巴士路線改道消息，畀乘客參考：

其餘受影響路線會因應交通情況，改行以下替代路線：

• 大老山公路、沙瀝公路（只限獅子山隧道路線）；
• 創新路、科學園路、大老山公路、沙瀝公路（只限獅子山隧道路線）；
• 大埔公路大埔滘段、大埔公路馬料水段

相關路線改動安排會一直維持直到道路重開或交通改善為止，巴士公司已經指示旗下巴士車長駛經上述路段需要盡量忍讓，如果對改路安排有任何問題，都應該向站長或屬區車務督察查詢。

至於乘客方面希望亦都諒解今次嘅改道措施屬於緊急情況，可能會令朝早返工返學嘅行程有延誤。

2022年12月21號朝早更新：

運輸署喺0607時宣佈： 較早前因為水管緊急維修而封閉嘅吐露港公路往九龍方向近沙田馬場快線以及中線現已解封。

按照呢個情況以上嘅巴士路線無需改道。