2020年5月4號，珠江客運以作價232,800,000港元，由新創建交通服務收購新渡輪6成股權…事隔半個月，愉景灣居民就發現…咦？
新渡輪咁進取接手咗愉景灣←→中環航線？
無花無假！新渡輪嘅新輝捌由愉景灣接載居民出中環！
今次新渡輪「接手」愉景灣←→中環航線，背後原因係乜？
愉景灣管理方5月20號傍晚發出居民告示，指原來係同新型冠狀病毒（武漢肺炎）有關喎！
根據告示，因為新型冠狀病毒（武漢肺炎），一啲重要後備零件無法如期付運，令到雙體船唔可以跟時間表「上排」檢查維修。
管理方已經同供應商、船塢協調，希望可以加快返付運零件同埋「上排」，務求可以喺9月令旗下嘅雙體船有返多幾隻重投服務。
至於面對朝早返工繁忙時間居民要趕返工，管理方為咗儘力跟返原有班次表，話會用啲單體船，同埋租其他渡輪營辦商嘅高速船喎！
不過咁…新輝捌過咗去愉景灣←→中環航線，咁原本新渡輪長洲←→中環航線就會少咗隻船啦！
面對長洲←→中環航線無得加航班，長洲國居民又點會善罷甘休呢？
好彩就未發生「佔領碼頭」、重演1999年8月15號「坪洲事件」咁嘅情況！
2 Trackbacks / Pingbacks