總站違泊唔肯走 跟手糾黨襲站頭

2020年1月25號大年初一傍晚時份，九龍中秀茂坪巴士總站有2架違例停泊嘅車輛阻礙巴士入站，站長履行職責上前了解，查詢會逗留幾耐，但旋即被人深切問候全家。

未幾即有一班身穿黑衫、手持棍棒嘅暴徒到場，針對巴士公司職員作出報復。

雖然現場多名站長、車長都退入站長室避免進一步衝突，但暴徒未有收斂，除咗打傷多名車長、站長外，更大肆破壞站長室設施，公司喺1955時之後一度同站長室失去聯絡。

車務督察隨即趕去現場視察，據悉站長頭、手、腳被扑腫，倒地待救，另有幾名車長手部受傷。