港鐵服務表現回贈：2026年10月24號半價搭車

港鐵2026年9月15號公佈，按照票價調整機制下嘅「服務表現回贈」安排，港鐵喺2026年10月24日號安排「感謝日」向乘客提供半價搭車優惠。

根據港鐵票價調整機制，當「服務表現回贈」帳戶累積滿預設金額，港鐵會喺特定星期六或星期日安排「感謝日」提供半價搭車優惠，但唔包括東鐵綫頭等、機場快綫、港鐵接駁巴士、以實體或電子單程票、感應式信用卡或扣賬卡付費的車程以及高速鐵路。

乘客喺2026年10月24號使用八達通或「樂悠咭」乘搭港鐵、輕鐵、行走新界西北路綫嘅港鐵巴士，或者以二維碼乘搭重鐵網絡車程，都可以有車費半價優惠。

呢次半價優惠包括東鐵綫來往羅湖以及落馬洲站嘅過境車程，仲可以同轉乘優惠、特惠站、全月通連接車程七五折優惠、政府長者及合資格殘疾人士公共交通票價優惠計劃（2元優惠計劃）同時使用。

港鐵會喺當天安排額外職員去到車站協助乘客，同時密切監察列車運作以及車站情況，因應實際需要，調整列車服務以及人手安排。