燃油補貼 運輸行業續命草? 催命符就真！

中国香港特区政府噚日宣佈，為運輸業界提供每升 $3.0 燃油補貼，與及對巴士、貨車、的士、小巴嘅隧道費減半，為期兩個月。坊間或部份運輸業界以為「續命草」出現了，但若細心啲、認真一啲去思考成件事，應該會睇到一個完全相反嘅結局 ─ 根本係「催命符」！再直接啲嘅講法：

死快啲

首先回顧返前一篇文章，响尾段已經「畫公仔畫出腸」

根本已經講到好白，政府補貼嘅後果，就係油公司賺埋。或者好多人仲係唔明，咁就只好畫公仔畫出腸 ─ 政府提供「每升 $3 補貼」，然後油公司唔駛加價嘅，將原本的「車隊折扣」，例如前文提及「每升減 $13」改為「每升減 $10」，咁咪搞掂囉！

香港人實在唔止係天真嬌，係悠久以來都係咁白痴

可幸運輸業界都唔係蠢，貨運業界代表蔣志偉就一嘢睇到個問題，仲要公然响接受傳媒訪問時大踢爆！
(P.S. 客運業界代表呢?? )

當呢筆「補貼」變成油公司的「額外盈利」嘅時候，運輸行業仍然會處於水深火熱，加上由油價衍生於各行各業，尤其是同「食」有關嘅連鎖反應，人人都節衣縮食，從而令到經濟活動進一步收縮，對於運輸行業，尤其是前文提到嘅客運行業，呢 $3 仲唔係變成催命符?!

表面上，呢 $3 好似幫助運輸業界，但到頭來最大可能還是肥了油公司，再跟住一個循環變返稅收，預計要動用嘅18億公帑收唔返晒都必定收返相當部份返嚟，呢個「經濟循環」果然非常精明。

至於會唔會有實際於燃料成本幫助運輸行業渡過難關，只可以講句老生常談嘅說話

無期望，就唔會有失望