緬甸地震 巴士廣告商贊助紅十字會救援廣告

當地時間2025年3月28號12:50:54，緬甸實皆省發生矩震級7.7嘅地震，對緬甸造成嚴重破壞以及重大傷亡。災區當地大量基礎設施損毀，數以萬計家庭失去家園，初步估計超過1 800萬人生活喺地震影響區內。

除咗香港連同多個國家即時派出救援隊伍趕赴災區搶救生還者之外，紅十字會喺地震發生後已經即時撥出港幣20萬元支援緬甸人道救援工作，亦提供緊急尋人服務，並且希望各界有能力者支持協助緬甸人重建家園。

坐擁香港電車、九龍巴士獨家廣告特許經營權以及各大主要隧道廣告嘅代理公司高達戶外CODY out of home (CODY OOH)，全力贊助香港紅十字會提供緊急人道支援，即時將籌款呼籲訊息印落唔同媒體，包括九巴嘅巴士車身廣告，務救經巴士穿梭香港各區，喚起各界關注事件。

CODY OOH市場營銷總監張凱迪（Hilda）表示，緬甸中部發生地震嗰日，亦強烈撼動佢嘅內心，佢哋希望為呢件事盡一分力。呢次CODY OOH全力支持紅十字會嘅求援工作，希望能夠引起公眾關注。

呢啲CODY OOH贊助嘅香港紅十字會廣告唔單只展現紅十字會喺全球人道救援中嘅承諾，更加呼籲公眾關注世界各地嘅人道危機，為緬甸災民點亮希望曙光。