[更新]西沙GO新界區百萬行 接駁巴士改由城巴接手

公益金新界區百萬行將於本周日（2月16日）舉行，由於場地所限參加者只可乘坐大會提供嘅接駁巴士往返會場，以往公益金活動如果係九龍新界區舉辦時都係多數由九龍巴士（一九三三）有限公司提供義載車輛服務大會，但係唔知咩原因今次九巴未能配合活動嘅交通安排，大會隨即聯絡早前成功贏得十四鄉專營巴士路線經營權嘅城巴求助，在得悉大會急需免費交通支援後，城巴亦即時作出反應緊急調撥資源為大會提供特別免費接駁路線X581，由馬鞍山公園不停站，只需約10分鐘就直達西沙GO PARK場地（去程由上午7時45分至下午1時45分，而回程則由上午9時15分至下午3時15分，最密每5分鐘一班）提供無間斷嘅義載服務。同時城巴亦為其本身兩條十四鄉常規路線581 前往 馬鞍山市中心 /582 前往 大學站 嘅路線加強服務。雖然九巴退出咗今次嘅義載服務，但係經由九巴/九巴之友報名嘅市民要留意返，九巴喺會繼續為你哋特別提供專車由大學站出發出往活動場地，時為為上午9時45分，詳情可以睇返九巴發俾你哋嘅活動資訊。

17:45最新消息：當我哋最終聯絡到九巴查詢之後，發現其實九巴去年九月已與香港公益金展開商討，並同意由九巴贊助免費接駁巴士，為本周日（16日）在西沙GO PARK舉行嘅新界區百萬行提供免費接駁巴士服務，由馬鞍山鞍祿街接載參加者往返西沙GO PARK。九巴一直密鑼緊鼓籌備，包括預留人手和專利車隊，更已進入最後準備階段安排路試。然而，九巴今年一月突然接獲通知，運輸署拒絕批准九巴提供有關服務。九巴一直支持公益金舉行的百萬行及各項慈善活動，對於未能繼續支持是次活動感到失望。

至於點解運輸署批咗俾城巴去提供免費接駁巴士，就真係不得而知。但因為城巴急就章所以先做成一個好似係九巴放咗大會飛機嘅假象。