九巴同埋龍運為吸引乘客搭多啲巴士，喺2020年10月推出「九巴龍運FUN分賞」活動，乘客利用已經登記嘅八達通卡乘搭九巴同埋龍運旗下嘅專營巴士，可以按巴士車資賺取積分，從而換取獎賞。
一直以嚟為咗增加公司贏面，巴士公司嗰邊當然就經常改變吓點樣儲到積分、可以換啲乜、每一件禮物嘅所需積分之類。
最常見話要換口罩，所需積分其實已經有「通脹」過，近來原本所謂「普通版」嘅口罩就唔再出，改為要600分去玩唔同顏色嘅口罩，以依家政府強逼大家要戴口罩嚟講，用下啲積分嚟玩唔同顏色嘅口罩，攞嚟襯衫其實都算係幾實用嘅。
另一方面，過去幾個月九巴都會有一啲玩具畀乘客去用積分換領——不過要加錢啫！
當然呢一樣嘢對於嗰啲曾經喺「九巴龍運FUN分賞」呢個計劃初期就已經成功用積分免費換領玩具嘅乘客嚟講就覺得「大佬你叫價高咗咁多即係搵我笨喇！」
但係大家唔使灰心：
九巴好似又要喺年尾「清貨」！
首先可以講吓，如果你對襯返衣著係無乜嘢要求，只想簡簡單單帶返一個方便睇到有無整污糟咗自己個嘴嘅口罩，2022年12月就有機會用返比較早期嘅「積分價格」去換取口罩喇！
至於之前有啲人攞啲積分換返去畀自己個仔貼花自己屋企幅牆嘅九巴貼紙（2張），大家都應該記得原本係同換1盒30個裝普通版口罩所需嘅積分差唔多，依家所需嘅積分減咗一半！
另外就唔知大家記唔記得喇：有一段時間九巴係喺呢個積分計劃入面容許大家用積分免費換領九巴玩具嘅，當時都引起咗唔少小朋友非常雀躍！依家機會又返嚟喇！
九巴仲話嚟緊會係呢個積分計劃入面推出用「600分換減6蚊車費」嘅禮品，呢個聽落又爭啲啲喎！
究竟呢一輪九巴打算喺度積分計劃之下推出啲乜嘢著數優惠呢？不妨睇下面幅圖吖！
不過都係嗰句：
優惠受條款及細則約束
九巴保留最終解釋權
1 Trackback / Pingback