新加坡退役巴士化身主題度假村酒店客房

當香港嘅退役巴士仍然只能停泊於「爛地場」，極其量偶爾出現於公開展覽而未有真正發揮其社會價值之際，新加坡一間旅行社夥拍兩個財團將開設一個以巴士為主題嘅度假村，並將二十部退役巴士改裝成平房客房 (Bungalow)，預計於明年(2023年) 第二季落成啟用。

綜合新加坡傳媒報導，新加坡貴賓旅運（WTS Travel）夥拍物業投資管理企業賢能集團 (LHN Group) (SGX:410, HKEX:1730) 及投資公司 Sky Win Holding PTE Ltd，將在鄰近樟宜機場嘅樟宜村 (Changi Village) 與建名為 THE BUS RESORT 嘅度假村，佔地約 8600平方米，當中嘅設施包括20部以退役巴士改裝成住宿平房 (Bungalow)。

從WTS Travel 提供嘅相片，與及 Land Transport Guru 網站，預計 20部巴士「標本」為 Scania K230UB 裝配馬來西亞 Gemilang 車身單層巴士

度假村昨日(28AUG) 舉行動儀式，總理公署部長、教育部兼外交部第二部長孟理齊博士(Dr. Malik Osman) 應邀出席任主禮嘉賓。

孟理齊接受訪問時表示，政府一直希望在樟宜村、東海岸進行發展，相信這個以巴士為主題嘅度假村能切合以旅遊、環保為基礎元素，認為度假村嘅獨特能使旅客有「奇妙的感受體驗」，對推動旅遊業有莫大潛力且能持續發展。

貴賓旅運執行董事長謝欋瑽 (Micker Sia) 則表示，因為武肺期間業務近乎停頓，思量公司前景而看著旅遊巴士停在停車場，萌生出「將巴士改成酒店」嘅念頭。

賢能集團董事總經理林隆田 (Kelvin Lim) 認為以巴士為主題嘅度假村對於新加坡本地與及外國市場都有巨大吸引力，相信能大力推動新加坡旅遊業，且取得良好成效。

至於Sky Win Holding 董事陳怡琳 (音譯，Tan Yee Ling) 更直言度假村計劃就係瞄準「巴士迷」响旅遊業嘅市場潛力。

現時預計租金每晚 SGD300 – 400，折算約 HK$1700-$2400，值唔值就見仁見智。但整個計劃亦應驗咗我哋多年來一直提及「退役巴士於旅遊業可作出貢獻」嘅理論概念。

相對於年前本台一集《新加坡 SBS Transit Volvo B10TL Volgren CR222LD body 雙層巴士 飄洋到香港》節目提及新加坡未有退役巴士保育措施政策，縱然 THE BUS RESORT 計劃只算是「善用遺骸」，並非有如英國主流的將車輛完全復修且可行走的「動態保育」，但總算是進步。

再者，度假村計劃由批地申請、前期基建 (即水、電、煤之類) 由貿易及工業部統籌，言下之意，度假村可說成是新加坡政府嘅計劃。而推算返計劃嘅起始時間，時任嘅貿易及工業部部長為「Monkey Do Monkey See」嘅陳振聲。相對於香港，正如該集節目開場嘅背景音樂「那裡會是個天堂」只能羡慕苦笑，或相反地對著「向新加坡學習」呢六個字而失笑。