退役巴士「紅燈籠」 閒來練跑又出巡

香港其中一架知名被保育巴士就係「紅燈籠」，佢原本喺1978年3月22號投入服務，係九巴一架配備英國鋁材公司（BACo）車身嘅利蘭FE33AGR「珍寶巴士」（原車隊編號D989，原車輛登記BT207）。

現任車主喺2011年4月10號買入「紅燈籠」進行修復，喺2019年聖誕節期間仲參加過第17屆香港冬季購物節。

紅燈籠溝鹹牛肉 擺完會展再出動

2019年尾「紅燈籠」仲參與咗一次同時出動4架巴士嘅「遊河」活動，同另外2架被保育嘅香港巴士陪參加者暢遊「大西北」。

四巴一同遊車河 希望好快又嚟過

即係咁講，平時無活動，「紅燈籠」呢啲「老嘢」都唔係只可以「瞓覺」嘅，同人一樣，出吓街運動吓應該會健康啲。

所以有時大家行行吓街都有機會偶遇到呢啲「老嘢」…2021年1月31號下晝，「紅燈籠」就喺青衣出沒喇！

現場係青衣西路青華苑巴士站，仲要有相又有片！ヽ(●´∀`●)ﾉ

唔知下次又會喺咩時間地點遇見「紅燈籠」呢？(っ・Д・)っ