過線車輛揩九巴 警車：「上返行人路！」

2020年6月7號下晝大約4點15分左右，九巴1架行緊81C號路線去馬鞍山耀安嘅富豪B9TL型12米雙層巴士（車隊編號：AVBWU769，車輛登記：VH2601），喺彌敦道北行去到文明里嘅時候遇上輕微車禍。

當時1架KIA Morning過線，但期間懷疑無預留足夠空檔，引致右車尾揩咗落巴士左車頭，KIA嘅尾「泵把」被勾鬆。

事發後九巴車長一臉無奈，而KIA嘅司機同乘客亦落車整理。巴士上嘅乘客就「過車」到下一班81C號路線嘅富豪B9TL型12米雙層巴士（車隊編號：AVBWU482，車輛登記：UR2713）繼續行程。

據目擊者報料，期間有1架隸屬油尖警區嘅巡邏車駛經，但巡邏車上嘅警員只係開咪大嗌：「司機…上返行人路…閂門…打電話…等警察嚟…上返行人路…」講完就揈燈開siren「絕塵而去」（＝＿＝)”

目擊者表示，其後九巴稽查到場時仍然未見警察現身處理交通（―＿―）..|..