新巴中環被裝飾 玻璃碎碎惹憐惜

2019年11月12號，港島中環連續第二日有當區返工嘅市民舉行中午集會。由於人數眾多，令到中環市中心干諾道、德輔道同畢打街交界一帶道路被堵塞。

由於現場道路受阻，部分行走港島北岸嘅新巴公共巴士被塞喺該個路段入面，其中部分公共巴士「被裝飾」。

至於「被裝飾」嘅公共巴士「內傷」有幾嚴重呢？當中區嘅集會清場之後，新巴嘅同事就將呢一啲被困受損嘅巴士移去中環大會堂附近檢查傷勢，依家拎幾張經whatsapp巴士車長群組收到嘅相畀大家研究吓…

車頭上車門應該係被硬物擊碎，估計係磚頭，不過相片入面嗰嚿磚就唔關事嘅…

巴士車頭擋風玻璃被噴漆遮蓋，導致唔能夠睇清楚車外情況。

車頭右邊駕駛位旁嘅玻璃亦被硬物打碎，玻璃碎片散落駕駛位座椅之上。

應該唔會為塊玻璃報仇啩？

一般情況之下，咁樣打爛咗巴士嘅玻璃，然後留一句sorry係咪大晒呢？

不過依家香港嘅情況唔係正常吖嘛… 而且你話你有嘗試制止過，咁信你嘅…「做法唔完美，但可接受，可以再改善。」 

嗱，下次唔好喇！ (-v-)’