【邨巴奇談】今朝收多咗一蚊 聽朝收少返一蚊

是咁的，今日見到某公司話今朝有一班邨巴撳錯八仔機，每個乘客都收多咗一蚊… (⊙＿⊙)

由於人手操作錯誤，今天2019.11.07 07:40 NR707的班次八達通機錯誤調為HK$16（NR707 原價為HK$15）。所以，明天2019.11.08 的07:40 NR707班次 八通達會調為HK$14一次，以作補償。不便之處，敬請原諒#請不要為1蚊塞爆明天的班次

Posted by ABC Bus on Wednesday, November 6, 2019

公司決定用一個簡單解決方法：聽朝同一班邨巴撳錯多一次八仔機，每個乘客都收少返一蚊… (x_x)’

或者有人會問：吓？咁啱聽朝唔係搭返同一班邨巴咪白蝕咗一蚊畀呢間公司囉？

或者有人又問：吓？聽朝專登走去搭指定一班邨巴咪偷雞賺多一蚊落自己袋囉？

係㗎，兩個都講得啱㗎！不過表面係講緊「一蚊」，背後係講緊「承擔」！

人哋迅速主動提出簡單、直接、最快咁嘗試回返畀個客，唔使乘客填表、投訴、調查…好過唔少老牌大型公共運輸機構啦！係咪先？