話說較早前寫過，英國喺嚟緊11月10號嘅「國殤星期日」（香港稱「和平紀念日」），第一巴士集團會向現役同埋退役嘅軍事服務人員提供免費公共巴士服務，而之後英格蘭李斯特城第一巴士仲話有其他相關標飾同鼓勵車長著軍服開工。
啱啱過去嘅11月8號，英格蘭倫敦嘅2、9、13、14、15、24、25、159號公共巴士路線，特別安排咗傳統倫敦巴士 Routemaster 行走部份班次。
呢啲特別 Routemaster 巴士班次免收車費，不過建議乘客「隨緣樂助」，巴士上收集到嘅金額會撥英國皇家退伍軍人協會作支援退伍軍人。
如果想支持香港本地嘅退伍軍人，11月9號英國皇家退伍軍人協會（香港分會）獲准喺港島區舉行虞美人花賣旗籌款。
至於2019年喺中環和平紀念碑舉行嘅「和平紀念日」儀式，定喺11月10號，戀英嘅殖民走狗 認真看待香港歷史嘅本地人可以留意以下流程，注意公眾人士只可以喺當日儀式舉行場地圍欄以外參與。
香港，作為一個曾經被英國管理過嘅地方，加上香港曾經捲入過兩次世界大戰，本地仍有唔少人係重視呢一個同香港有關嘅重要日子――如果大家見到有人喺近日配戴虞美人花出街，不妨敬個禮。
Lest we forget.
Be the first to comment