澳門新型冠狀病毒感染應變協調中心公佈，2022年12月23號零時起，調整由香港特別行政區、台灣地區同埋外國入境澳門特別行政區人士嘅防疫措施，入境毋須進行落地核酸檢測。
港澳快線隨即宣佈由平安夜（2022年12月24號）起恢復香港←→澳門（經：港珠澳大橋）嘅班車服務。復辦初期暫時只提供回來各4班嘅服務（詳情可參閱下列時間表）。即日起乘客可以登入港澳快線官網：www.hkmoexpress.com訂購車票。
最新入境澳門嘅防疫措施
入境人士嘅澳門健康碼會預設為「黃碼」，必須接受「自我健康管理」，而自入境翌日起計連續5天，每日進行新型冠狀病毒快速抗原檢測，並且將結果上載去「澳門健康碼」。第5天上載快速抗原檢測陰性結果後，「澳門健康碼」會轉為「綠碼」。
持有「黃碼」期間，雖然有指明不得聚餐或聚會，但澳門政府並未有規定賭場或餐廳等唔能夠畀「黃碼」人士入場。
1 Trackback / Pingback