【澳門交通】輕軌2月減班次 無戴口罩係咁先

鑑於新型冠狀病毒（武漢肺炎）嘅最新情況，澳門輕軌氹仔線因應客流量下跌而縮減服務班次，直至另行通知。

由2020年2月3號開始，星期一至星期四列車班次為每10~15分鐘一班；星期五至星期日同埋公眾假期，為每8~15分鐘一班。

因應新型冠狀病毒（武漢肺炎）疫情持續發展，為保障澳門輕軌氹仔線工作人員同埋乘客嘅健康同埋生命安全，按照澳門輕軌公司公佈，由2020年2月3號1300時開始，所有乘搭澳門輕軌嘅乘客必須佩戴口罩，否則車站人員有權拒絕乘客使用輕軌服務。

港鐵（澳門）呼籲乘客留意有關安排，並會持續留意最新情況、繼續加強車廂及車站嘅清潔同消毒、留意工作人員身體情況，共同做好防疫工作。

係呢…香港啲鐵路普遍都係港鐵管理㗎呵？