【澳門交通】乘搭的士 要戴口罩

澳門交通事務局繼2020年2月3號朝早公佈澳門境內嘅巴士乘客必須佩戴口罩先至可以上巴士之後，同日再發出公告，指為保障的士司機同相關乘客嘅健康同埋生命安全，澳門境內嘅的士乘客亦必須佩戴口罩先至可以上的士，否則的士司機有權拒絕接載乘客。 

交通事務局再次呼籲乘客留意有關安排，並自覺遵守有關規定，同時注意個人衛生。