富豪商用車香港每年一度的「Volvo Day」於上週五4月11日假座白石角科學園舉行。Volvo Day 目的之一係與業界聯誼交流，收集對 Volvo 巴士、貨車的意見，另外當然係廠方及代理發佈推廣資訊，更當然唔少得展出新車。
今年 Volvo Day 2025 嘅主題係科技、創新、安全、環保，展出的五部新車都可謂具備呢啲元素。例如 FL 16噸貨車就裝配上ZF 8前速自動波箱。
另一部 FH16 三軸拖頭，除咗裝配咗香港市場史上最大動力輸出，高達 780PS 嘅D16K引擎之餘，亦配上咗本港法例最新修訂容許安裝嘅電子睹後鏡。
論到環保，不少人當然聯想到電力驅動。同場進行簡單而隆重嘅交車儀式嘅 FE Electric，配備嘅電池可達 275km 續航距離。
我哋嘅重點當然係巴士。展出的兩部，分別係捷迅旅運購入採用 B8R 底盤裝配 Marcopolo Audace 800 車身，與及早前抵港時報導過冠忠巴士集團購入嘅 B13R 底盤裝配新加坡獅城車體 SC Neustar 車身。
B8R 底盤嘅規格同我哋測試介紹過嘅相同，車身雖然亦係我哋測試過嘅 Marcopolo 出品，而且都係 3+2 座椅佈局載客量65座位，但今次捷迅購入嘅呢一部車，則裝有 AEB 緊急煞車同埋 360° 環視監察屏幕。
至於 B13R 底盤嘅一部，不單裝有 AEB 緊急緊煞車，更具備車道偏離警示，與及主動徵測路面情況及限速路牌提示司機減速功能系統。
另外，兩側車身在前輪後有一個形狀特別的黑色「膠盒」，原來係歐盟去年立法實施強制巴士及中重型貨車必須裝設的「盲點偵測感應系統」。
出席活動的業界人士紛紛認為這是一個「非常有用」甚至認為比緊急煞車更必要的設備。因為設計再好的睹後鏡仍然會有盲點範圍，這個系統能夠作出釐補。只不過，有接近代理方面人士向本台暗示，申請 Type Approval 還是不如平常的順利。但都已經完成手續，已抵港的車輛正陸續出牌。
活動於中午左右舉行午宴，招待近百位來自客運及貨運業人士。富豪商用車及香港代理躍達汽車熱誠款待與會人士並進行交流。
Be the first to comment