由澳洲華裔藝術家李林迪女士（Lindy Lee）為第6代山頂纜車設計嘅藝術雕塑——《無限之眼》經已喺香港山頂纜車中環總站耀眼登場。
山頂纜車有限公司總經理曾瑛美小姐表示：「我哋欣然為大家介紹由李林迪女士精心設計以及鑄造嘅雕塑《無限之眼》。呢座高度超過10米、以長達2年幾時間打造嘅雕塑，係耗資港幣7.99億元嘅第六代山頂纜車發展計劃中重要一環，亦標誌著香港最具標誌性旅遊景點之一嘅山頂纜車邁向又一新里程。經過全面翻新嘅中環纜車總站，配合《無限之眼》散發嘅光芒同埋藝術感，勢必大大提升訪客體驗。呢個藝術品設置亦意味著山頂纜車即將重新投入服務。」
澳洲華裔藝術家李林迪女士深受道教以及佛教禪宗注重「人性同大自然密不可分」嘅哲學薰陶，而佢嘅作品大多描繪人類同埋宇宙之間緊密連結。李林迪女士投身藝術超過30年，除咗喺澳洲享負盛名外，更加係得到國際藝術界廣泛認可。佢曾經喺加拿大、中國、香港、日本、馬來西亞、新西蘭以及新加坡等地舉辦展覽。
李林迪女士講到作品嘅創作靈感嗰陣表示：「香港嘅城市景觀獨一無二。矗立喺城市裏面嘅瑰麗宏偉建築，更有著環繞呢個獨特景致嘅亞熱帶茂盛樹林做襯托，而被大自然綠色所覆蓋嘅眾多島嶼更有如一粒喺南海嘅閃爍寶石。飛躍係香港精神之一，而作為香港高峰之一嘅太平山，更糅合咗城市、海洋同埋天空嘅美景，被譽為世界其中一個最靚嘅景色。《無限之眼》正係受咁樣啟發。世上無其他城市能夠好似香港咁，能夠完美表現出天與地、海洋與天空之間緊密連結。」
李女士補充：「《無限之眼》呈鵝卵形，中心位置鏤空，表面嘅構圖係種子、門以及眼睛三者嘅絢麗結合。『種子』寓意發芽和成長，並引發由樹苗生長成高聳入雲大樹嘅無限想像。『種子』除了係吉祥象徵外，亦可以巧妙咁同香港引以為傲嘅茂盛山林同埋郊野公園構成連結；而『門』就係由一個地方到達另一個地方所經過嘅中轉空間，而山頂纜車本質正係將人由地面轉移到山頂嘅一道傳送門；『眼睛』就係形象化展示『凝視』。人類鍾意到達高處，喺跨越地平線嘅壯麗景色當中感受自身同埋眼前一切嘅直接連結。由高處俯瞰能夠畀我哋感受到自己嘅『歸屬』係幾咁壯麗而偉大。縱使喺無邊天際下我哋或許會感受到自身渺小，但我哋心靈唔會因此而磨滅。反之，我哋透過將自身同無限遼闊景色結合而得到擴展釋放——位於中環纜車總站入口嘅《無限之眼》將會成為體驗廣闊無垠山頂之旅嘅起始點。」
呢個藝術雕塑呈環狀鵝卵形，而據科學家學說正係遼闊宇宙嘅形態。《無限之眼》嘅環狀被拉長而形成咗中心位置鏤空嘅鵝卵形狀。佢由鑄青銅製造，表面以黑色銅綠作潤飾，並且有幾千個窿仔畀雕塑內裡嘅燈光有如點點星光咁穿透出來，並隨著時間流轉而呈現山頂上由日到夜嘅光線變化。呢個雕塑更加會隨著山頂纜車駛近中環纜車總站，而逐漸加強光綫亮度，豐富遊客視覺感觀。
呢個設計項目由構思創意、技術設計、製作以至最後安裝階段都一絲不苟，由上海以及布里斯班嘅跨國藝術設計工作室以及製造商 Urban Art Project（UAP)）同埋藝術顧問Art Partners，同李林迪加上佢位於澳洲拜倫灣外嘅工作室團隊緊密合作匠心打造而成。呢個銅製巨型雕塑用咗砂模鑄造技術，當中過程多元而繁複，由組裝、潤飾到塗層整個過程歷時接近3年，期間全程要同李林迪女士保持緊密聯繫。
除此以外，山頂纜車有限公司以及UAP更將《無限之眼》列為「藝術品素材清單」（Artwork Ingredients List）試驗項目之一，旨在記錄藝術項目創作時所耗用嘅素材以及能源，以提升業界以及公眾關注藝術創作為環境所帶嚟嘅影響以及碳排放，從而制定相應策略以減低衝擊環境。呢個項目亦代表著藝術家、客戶以及所有相關人士支持環保承諾，喺藝術創作以至其他行業領域，更負責任咁進行消費和製作。
雕塑品旁邊設有刻上由李林迪女士所作嘅詩詞銅匾，以闡述其作品的設計概念：
Eye of Infinity
First we are gathered in,
Like fish from many seas and a thousand oceans who swim
Willingly into the net.
Torus, the shape of the universe,
Seed, the shape of life.
An eye that endlessly seeks eternity.
Onward, we go forward,
together
held close, contained, we ascend
rising through great towers, through verdant mountain forests
rich with life,
the homes of those who walk and creep and swing and
slither
and swim, and fly.
Ever ascending, until finally
we are released, spring forth
into the magnificent vista:
archipelago of light
vast cradle of city, sea, and sky
Released into the sublime.
We who come from many lands and a thousand realms
We who are entrusted with infinity
We who treasure this.
無限之眼
我們相聚，
如同魚兒來自萬千江海，
煙聚波屬於網中
環狀，宇宙之態
種子，生命之始
眼睛，無止境地尋求永恆
邁步丶前進
我們聯結，彼此相擁
我們升騰
穿梭於高聳的塔樓，青翠的山林
體驗生命的豐饒
四處是前行的遊子，浪子的家園
滑行，游動，飛翔
升騰的旅程，最後
我們昇華丶躍起
進入瑰麗的旖旎
光之群島
城市、海洋、天空，巨大的搖籃
到那崇高的無限境界
來自大千世界的我們
被賦予無限的我們
珍惜這一切的我們
藝術，對於好多香港人嚟講可能只係「食飽飯無事做」嘅嘢，但無可否認嘅係，人類之所以同其他動物唔同，正正在於「文明」，而藝術就係人類文明千古共存嘅一個重要部份——藝術同交通工具嘅共融其實喺香港已有先例，由退役巴士到電車，乃至山頂纜車第5代車廂退役前夕，每每展示出香港唔係坊間所講嘅「文化沙漠」。
或許，無咗當年嗰個「噴水池」之後，《無限之眼》就會係香港留喺世人心中嘅又一個藝術地標。
Be the first to comment