一直以嚟，北角電車總站都有一間員工飯堂，雖然唔係咁起眼，但隨著互聯網興起，多咗人「開心分享」之後都叫做有啲市民會慕名而去。
不過喺2022年8月10號，網絡社交媒體就有傳電車飯堂喺前一晚營業完後，低調停業，令一眾「粉絲」以為自己之前去食過嘅嗰一次「已經係最後一次」云云。
大隱隱於市，北角電車總站就有一間隱藏了的員工飯堂，平時行過路過都未必知道原來佢地係歡迎大家光臨的餐廳，入面的招牌菜係椒鹽豬扒，價錢只係 $39，係北角以至香港島算係親民價錢。 不過電車飯堂係琴晚營業完後，低調地表示停業。筆者過去不時都會路過幫襯下，上星期再一次品嘗佢地的椒鹽豬扒，就已經係最後一次，可惜。
Posted by 空城記 Empty City on Tuesday, 9 August 2022
大家冷靜啲！！！
未到末日！！！
經過向香港電車查詢，今次北角電車總站嘅飯堂停業只係「暫時」，理由亦好簡單：
唔好意思，師傅整親，需要休息
依家估計師傅休養好之後，最快大約喺2022年8月底、耐啲就9月初左右就可以恢復營業，各位無需恐慌，亦多謝大家關心。
Be the first to comment