【巴壇隨手寫】出生日期無得搞錯

唔知由幾時開始，有團體率先喺香港嘅巴士廣告上宣揚香港「回歸」24週年嘅同時，一併提及「七一黨慶百週年」呢個主題。

不過，根據史料記載，中國共產黨真正成立時間係1920年8月，未夠一年之後嘅 1921年7月23日，响中國國民黨「自詡」 不平等條約、喪權辱國….. 被割讓嘅上海法租界召開「中國共產黨第一次全國代表大會」。

只不過去到 1945年，無端端多舊魚將個「黨慶」訂喺每年7月1日 (仲有後來明明蔣介石10月初仲未「走佬到台灣」就將「國慶」訂响10月1日 )。不過即使香港政權移交咗廿幾年，呢個日子都好少俾人拎出嚟做慶祝主題，直到今年可能適逢一百週年，所以先有人用力吹奏。

到底呢個舉動係唔係要湊熱鬧，定係一貫香港人習性之跟風向，熟車多過熟政治嘅我哋就真係唔知喇。不過呢……

順便一提，我哋 (連埋 HK Car Channel) 偉大的台長阿「判官」今日大壽之喜，大家不妨留言 Tag 佢，同佢講聲「生日快樂」啦！