倫敦: RATP擬本週再發起罷工

代表倫敦RATP集團屬下的巴士公司的工會表示，將會於本周三至七號發起一連串工業行動，抗議資方無正面回應工會對屬下司機加薪訴求，並且計劃增加散工(Zero-hour contract)司機數目。

三間發起罷工公司，包括服務西北部及赫德福德郡(Hertfordshire)的London Sovereign，會於三號星期三罷工；主要服務西區及中部的London United會於五號至七號星期日早上六點罷工。至於服務倫敦外圍及薩裏郡的Quality Line 則會於五號罷工。受影響路綫多達八十條。

如果今次罷工真正實行，將會係該公司於一星期內第二次工業行動。上一次喺22/2 至26/2清晨為期三日嘅罷工，全公司大部份司機都響應，令到倫敦西區大部份地區嘅巴士服務大受影響，有其它路綫嘅巴士更加出現近期罕見頂閘情況。部份地區，包括西南部部份嘅New Malden至Putney 嘅 A3公路沿綫區份，以及附近一個大型政府公共屋邨連續幾日完全無巴士服務。有見及此，倫敦運輸局今次預早向公眾發出提示，並於各有關路綫所有巴士分站發出通告提示乘客。

相比喺香港，某巴士公司公會發起所謂野貓式突然封站工業行動，俾警察兇一句就嗱嗱淋成班行返上行人路，真正係高下立見。香港巴士從業員，尤其是一眾車長們嘅福利待遇，就係俾呢類無能工會嘅工賊出賣。