班次減，工作加　車長要負責塞客上車？

因為 #武漢肺炎 疫情持續，#九巴 喺過去一年已經多次調整唔同路線嘅班次，以節省資源。

但係疫情下都仍然有唔少人需要返工或者有必要外出，例如來往大角咀同沙田嘅 287x 線，本身客量已經超出負荷。繁忙時間喺奧運站根本好多時連車都上唔到。

最近，九巴沙田車務組出咗Memo，要求車長喺君匯港站無論車上有無位，都「必須」要停站。同埋喺停站時，「必須」勸籲乘客再企入啲，仲要協助車站上嘅候車乘客上車⋯⋯

政府日日都叫人減少群組聚集，但係九巴就減班次令到乘客要做 #沙甸魚 之餘，仲想要車長做埋日本鐵路塞人上車嗰啲「#ホーム補助員」？

仲有仲有，唔通君匯港嗰啲乘客高貴啲？所以一定要俾佢哋上到車，咁青山公路轉車站等轉車嘅乘客呢？與其諗縮數，不如做好作為公共交通嘅本份，喺繁忙時間加多幾班車去疏導乘客啦！