2020年7月，上網碌碌吓發覺出名整「酥皮奶黃月餅🥮」同埋「流心奶黃月餅🥮」嘅香港本土烘焙檔「望月」有啲新搞作…
【香港特色，由香港製造💪】 你知道嗎？每一部香港電車同每一件望月月餅都係100%香港製造架！ 網上限量預售：https://bit.ly/2Own5tT #電車的知識增加了 #香港電車 X #望月 #叮叮 #香港製造 #流心奶黃月餅 #限量版 #一起望月
Posted by 望月 Patisserie La Lune on Thursday, 16 July 2020
一向知道「望月」啲出品係「香港製造」，標榜每一種選材、每一個包裝細節，都腳踏實地、一步一步不斷改善，佢哋除咗堅持「香港製造」，更加希望以更好嘅產品，回饋大家嘅朋友，將簡單而令人心感溫暖嘅美味分享給更多人――作為香港人，當然覺得值得支持――而當佢仲要喺交通迷面前扯埋香港電車嚟講…（又係聯乘企劃？！）
即係引人落搭掃貨啦！
於是又去睇埋香港電車嗰邊，八卦吓點賣先…
【叮叮月餅出爐！🥮 優先預購享早鳥優惠 】 中秋人月倆團圓 🌕 在美好佳節，我們為你帶來了「叮」點幸福，讓你和最愛分享甜絲絲的感覺！ 今年香港電車與 望月 Patisserie La Lune…
Posted by Hong Kong Tramways 香港電車 on Thursday, 16 July 2020
「流心奶黃月餅－香港電車限量版」呀嘛？
一盒8個呀嘛？
原價398蚊呀嘛？
早訂就優惠298蚊呀嘛？
結果…
小圈子少少地夾埋訂咗廿幾盒！
到咗2020年9月，可以攞月餅喇！好嘢！而重點係…
又可以去電車廠攞貨兼影電車呀！
不過循例介紹返今次啲月餅先：
香港電車唔經唔覺已經係陪伴緊香港市民迎接第116個中秋節，香港電車作為極為代表到香港嘅商標，盛載香港過百年歷史文化，喺2020年首度同香港本地月餅牌子「望月」合作，精心製作每盒8個、表面有電車立體圖案嘅「流心奶黃月餅－香港電車限量版」，務求喺佳節期間同香港人一同分享「叮點」喜悅，一起「望月」。
而禮盒包裝仲採用香港電車嘅經典墨綠色――示意當每一架香港電車都係由香港電車廠工匠自家設計同建造，其實每一份「叮叮月餅」都係由香港人喺香港精心製作，共同承傳香港本地工藝同文化。
而今次限量版「叮叮月餅」套裝仲附有由香港電車董事總經理敖思灝先生、「望月」董事麥妙霞女士撰寫嘅感謝卡，感謝每位支持「香港製造」以及本地文化嘅朋友，祝願各位有個人月倆團圓嘅中秋節。
至於當社會鼓吹喺路面零廢氣排放嘅香港電車係環保交通工具之一，為推動環保同埋可持續續發展，香港電車揀「望月」合作，正正睇中包裝月餅時，「望月」使用 100%甘蔗纖維製造嘅月餅杯，取代過去各餅家沿用嘅塑膠杯――甘蔗纖維優點係易於被大自然分解，唔會傷害環境，雖然基於衛生而要用上膠袋封裝，但仍然期望唔用塑膠月餅杯可以減少廢膠，為保護地球環境盡一點綿力。
今次聯乘產品嘅全車身廣告電車…係#76…頭幅同尾幅都係香港電車嘅經典墨綠色，車身有插畫師繪畫嘅月餅。
當望見電車廣告上嗰句「叮點喜悅 一起望月」，其實有一刻考慮過「不如租返架電車過中秋」，然後一班人可以食燈籠、玩月餅…（謎の音：「煲蠟」…（^+++^）y）
諗落都係「算把啦」！（T_T）
1 Trackback / Pingback