話說突發組夜麻麻都收到「留車」界朋友急call，話又揭發有人較早前曾經擅自登上一啲被保留嘅巴士…
根據嗰位朋友描述，其實已經唔係第一次見到涉案人士貼出「打搞」被保留巴士嘅相，之前見過有啲相，相中人只係行入圍封帶範圍。
近日見到涉案人士唔只一次貼出車廂相――而嗰位朋友指佢哋一班車主未曾收到要求、更未曾邀請登車拍攝呢啲相，對「擅闖」呢種缺德行為深感憤怒。
最新被發現「遭殃」嘅被保留巴士係屬於佢另一位朋友所有，佢哋成班人面對社會同政策嘅問題，本身一直已經為搵返個似樣啲嘅場地去擺放呢啲巴士而身心俱疲，無奈之下只可以暫時「比較隨便」咁先安置喺某處空地。
佢哋一班人向來認為，正常香港人都識自律、識尊重人哋嘅私有產權，但今次真係對香港人好失望…
佢打個比喻就係…咁樣同較早前警察擅闖深水埗La Tessa餐廳一樣咁差劣…而呢啲被保留嘅巴士本身未完成修復，整親「人」又唔係幾好…依家發現相關嘅退役巴士被蓄意兼唔見咗嘢，照牌面係咪應該「入佢數」？
希望往後唔好再發生咁嘅事…亦…大家做人唔好咁「中国人」好無？
1 Trackback / Pingback