全民「三罷」將路堵？ 暫見「綠軍」遍道路

2020年5月27號，香港有人號召再次發起「三罷」，抗議當局就《國歌法》恢復二讀，更加聲稱會圍堵立法會大樓一帶，甚至會堵塞道路。

綜合讀者報料，朝早公共交通服務如常運作，但多區見到當局如臨大敵，部署全副武裝人員進駐各個交通要道。

其中喺西九龍巿中心主要「命脈」彌敦道，朝早交通疏落，未見有人堵塞道路，而公共巴士如常「埋站」。近月焦點嘅「綠軍」卻反而成為堵路部隊――喺旺角道、亞皆老街、佐敦道等路口部署車輛同人力，導致部份行車線受阻。

至於曾經係「戰場」嘅紅磡海底隧道，理工橋面企咗幾個「綠軍」，其中有手持槍械，往港島方向嘅102/106號站位企咗幾個；至於往九龍方向，銅鑼灣入口亦有「綠軍」車輛駐守。

東區海底隧道九龍嗰面，近觀塘繞道有「綠軍」開檔查車。

曾經喺衝突中引致有人死亡嘅將軍澳，各大迴旋處都有「綠軍」車輛守住，將軍澳隧道出九龍間中封閉。

新界東出市區方面，大老山隧道九龍出口有九巴被截停搜查。